Një vit për t’u harruar ky për Kukësin, i cili mund të bëhet i paharrueshëm nëse bien nga Kategoria Superiore. Deri tani rreziku është shumë i madh teksa janë në vendin e fundit në renditje. Merkatoja e dështuar, problemet e shumta në klub kanë sjellë si pasojë rezultatet negative deri tani.
Drejtuesit po punojnë në merkato për të përforcuar organikën me lojtarë që do t’i ndihmojnë të sigurojnë mbijetesën. Deri në këtë pikë të kampionatit, verilindorët kanë provuar tre trajnerë. Ndërsa së fundmi largohet edhe një trajner tjetër.
Ermal Nexhipi është trajneri i portierëve të kuksianëve i cili komunikon largimin e tij nga Kukësi në llogarinë e tij në rrjete sociale: “Nga sot nuk jam më pjesë e Kukësit. Faleminderit Safet Gjici, faleminderit Kukësi!”- shkruan Nexhipi.
Lexo gjithashtu
