Sot, në orën 18:00, në "Selman Stërmasi" do të luhet ndeshja e vlefshme për Kupën e Shqipërisë për raundin e 1/8-ve mes Tiranës dhe Vllaznisë.
Të dyja ekipet kanë zhvillar dje përgatitjet e fundit, ndërsa sot Newsport.al, ka zbuluar se trajneri Ernest Gjoka do të lërë në shtëpi disa titullarë të rëndësishëm. Bëhet fjalë për Edon Hasanin dhe Erald Çinarin, të cilët nuk janë grumbulluar për takimin e ditës së sotme ndaj Tiranës.
Carls Atsina do të jetë një tjetër mungesë e rëndësishme në takimin e sotëm. Në vend të Atsinës do të vendoset Andi Ribaj. Alen Sherri do të zëvendësojë në portë Erind Selimajn.
Nuk dihet pse Gjoka ka bërë këtë zgjdhje, duke nënvlerësuar ndeshjen e vlefshme për Kupën e Shqipërisë, mbase tekniku është duke menduar për takimin e radhës në kampionat, që e ka ndaj Laçit. /NEWSPORT.AL/
Lexo gjithashtu
