Katar 2022
Federbet ‘godet’ sërish! Këtë herë, organizata që monitoron bastet në një shkallë evropiane denoncon ndeshjen e kampionatit të Portugalisë të luajtur ditën e sotme në orën 19:15 mes Paços de Ferreira-Feirense 0-1.
Alarmet që u bënë në Santa Casa da Misericórdia në Lisbonë, për të dhënat e bastit në lidhje me lojën Paços de Ferreira-Feirense, u bënë të ndjeshme edhe në selinë e Federbet.
Trupi që monitoron bastet në Evropë i ka konfirmuar “O PUBLICO” se ka zbuluar lëvizje të pazakonta në këtë ndeshje të javës së 32-të të Premiera Liga të Portugalisë.
“Ne kemi vërejtur lëvizje krejtësisht të çuditshme dhe të palogjikshme në ndeshjen midis Paços de Ferreira dhe Feirense”, tha Francesco Baranca, menaxher i përgjithshëm i Federbet, duke zbuluar se koeficientët e Feirense lëvizën shpejt nga 3.5 në 1.5, thuhet në lajmërimin e Federbet, raporton newsport.al.
Në praktikë, kjo diagnozë rezulton nga një numër jo i zakonshëm i basteve në triumfin e ekipit Feierense, i cili çoi kompanitë që operojnë në treg për të zvogëluar vlerën e koeficientit që i atribuohet kësaj mundësie. I gjithë raporti për këtë ndeshje është publikuar nga vetë Federbet, që një vit më parë ngriti akuza edhe ndaj Skënderbeut për lëvizje të dyshimta të koeficientëve në disa ndeshje të luajtura në Europa League dhe fazat eliminatore të Champions League të ekipit korçar./ NEWSPORT.AL
