Skuadra shkodrane nuk ka qenë shumë aktive përsa iu përket lojtarëve të afruar gjatë merkatos së verës, por ka konfirmuar një numër të konsiderueshëm futbollistësh nga sezoni i shkuar dhe ka afruar të tjera nga Superiorja. Megjithatë, iu duhen edhe futbollistë të tjerë për të plotësuar organikën dhe për të qenë gati për sezonin e ardhshëm futbollistik.
“newsport.al” ka zbuluar tre goditjet e fundit në merkato që do të jenë pjesë eVllaznisë. Bëhet fjalë për ish-lojtarin e Skënderbeut, Valdrin Rashica dhe dy portierët Ilir Avdyli dhe Jasmin Agoviç. Avdyli ishte pjesë e Tiranës gjatë sezonit të shkuar, ndërsa Agoviç vjen nga radhët e kampionëve të Malit të Zi, Buducnost Podgorica.
Ai është 25 vjeç dhe i ka përfunduar kontrata me skuadrën e tij, ku në sezonin e fundit ka luajtur vetëm 294 minuta në kampionat. “Gardiani” ka qenë pjesë e kombëtareve U-19 dhe U-21 të Malit të Zi, ndërsa do të jetë i gatshëm për skuadrën kuqeblu.
