Tirana do të luajë në transfertë kundër Korabit, në kuadër të javës së 24-të të Superiores. Klubi dibran shpresonte ta zhvillonte këtë sfidë përballë publikut të tij, megjithatë newsport.al ka mësuar se edhe për këtë ndeshje stadiumi nuk do të marrë miratimin, nga Komisioni i Licencimit pranë FSHF-së.
Tapeti i këtij impianti nuk është ende në gjendje optimale për të pritur një takim të Superiores, ndaj klubit të Korabit tashmë i duhet të gjejë “shtëpi” për sfidën me bardheblutë. Kujtojmë që sot, dibranët përmes një videoje në faqen zyrtare në facebook zbuluan gjendjen e fushës dhe shpresonin për një “OK” nga FSHF-ja. Megjithatë edhe këtë herë me shumë gjasa janë të detyruar të degdisen në një nga stadiumet e tjera të Shqipërisë.
Loading ...
