Flamurtari ka prezantuar sot trajnerin e ri të skuadrës. Administratori Sinan Idrizi ka zyrtarizuar para mediave Shpëtim Duron. Tekniku nga kryeqyteti ka folur për objektivat dhe aventurën e tij të re në krye të skuadrës së Flamurtarit.
“Falenderoj zotin Idrizi për ofertën që më bëri për të drejtuar Flamurtarin. Nuk është momenti më i mirë për të marrë drejtimin e skuadrës. Kam patur shumë eksperienca me shumë skuadra dhe momenti më i mirë është fillimi i sezonit për të nisur një punë. Kam marrë skuadra edhe në vështirësi. Ka kaluar më tepër se gjysma e kampionatit dhe nuk është e thjeshtë. Nuk ka trajner të mirë dhe trajner të këqinj. Ka trajner të suksesshëm dhe të pasuksesshëm. Përsa i përket objektivave, situata nuk është e mirë por do të bëjmë maksimumin për të dalë nga kjo situatë.
Të ishte në një moment tjetër do të kishim qenë më komod. Trajneri duhet të punoj në të gjitha kushtet. Kam drejtuar shumë skuadra, por Vlorën e kam patur gjithmonë si ide për ta marrë në dorë. Titulli me Skënderbeun? Nuk do ndikoj sepse unë jam profesionit. Nuk i bëra asgjë Vlorës. Përsa i përket skuadrës duhen përmirësuar shumë gjëra. Është një nga ekipet që ka pësuar më shumë në Superligë. Duhen rregulluar ekuilibrat pasi kështu do të jetë e vështirë”, ka deklaruar Duro.
Lexo gjithashtu
