Dje, Vangjel Zguro u zyrtarizua si futbollist i Luftëtarit. Ish-mesfushori i Korabit nuk gjeti një ambient të ngrohtë nga tifozët gjirokastritë, të cilët i mbyllën derën duke e konsideruar “Non Grata”. Për këtë Vangjel Zguro në një prononcim për newsport.al kërkon falje publike të gjithë mbështetësve të Luftëtarit duke i premtuar që do të japë më të mirën e tij për ngjyrat e kësaj skuadre.
“Duke marrë shkas nga komentet e tifozërisë gjirokastrite pas transferimit tim zyrtar të KS Luftëtari, kërkoj të shfajësohem publikisht dhe të kërkoj ndjesë për incidentin e ndodhur para disa muajsh në ndeshjen midis Pogradecit dhe Luftëtarit. Me kolegët e rinj nuk kam asnjë problem dhe kemi shtrënguar duart pas incidentit. Premtoj të jem profesionist dhe të jap maksimumin për skuadrën që të arrihen objektivat e vendosura nga klubi”, përfundoi për newsport.al, Vangjel Zguro, futbollisti më i ri i Luftëtarit.
