Lajmi i fundit/ Mediat turke zbulojnë të ardhmen e Alban Hoxhës

Alban Hoxha u përfol që do të linte Partizanin për t’u transferuar në Turqi, me skuadrën e Gaziantepsor. Lajmi u përhap me shumë bujë, teksa u bë edhe fakt i kryer nga mediat e huaja. Por lajme të reja vijnë sot nga mediat turke të cilat shkruajnë që “gardiani” i kuq nuk do të shkojë për të luajtur me Gaziantepsor.

Sipas “olaymedya.com” tratativat kanë dështuar pasi klubi turk e ka ulur në 400 mijë dollarë. Të kuqtë e kryeqytetit nuk e kanë pranuar këtë ofertë dhe tashmë për ta kjo histori konsiderohet e mbyllur. Portieri i kuq tashmë është i përqëndruar në ndeshjen e sotme ku do të luajë përballë Krasnodarit të Rusisë.