Klubi i Partizanit akuzoi dje FSHF-në se me vendimet për të dënuar të kuqtë, ky institucion po favorizon rivalët e Partizanit dhe se dënimi me katër ndeshje pa spektatorë është një maskaradë.
Por, ditën e sotme, FSHF ka reaguar përmes një deklarate për shtyp duke argumentuar dënimet për klubin e Partizanit.
"Në lidhje me vendimin e Komisionit të Disiplinës për dënimin me 4 ndeshjet e radhës pa tifozë për klubin e Futbollit Partizani, Federata e Futbollit duke mirëkuptuar ndjesinë e tifozerisë së kuqe, shpreh keqardhjen e saj, por njëherësh kërkon të bëjë me dije vetë opinionin publik, por edhe vetë klubin që vetëm RASTET E PËRSËRITURA ndjeshëm gjatë këtij sezoni nga ana e tifozerisë janë bërë shkak për dënimin e skuadrës në vijimësi. Më konkretisht, rikujtojmë edhe një herë të gjitha vendimet disiplinore të Partizanit gjatë këtij viti nga Komisioni, vetëm për shkak të tifozerisë:
- VENDIM - Java e Pare Partizani-Luftetari
Date 16.09.2016
KF “Partizani”, per sjellje te gabuar te tifozeve, duke hedhur mjete ndezese ne fushe pa shkaktuar akte dhune apo nderprerje te lojes, denohet me 200.000 (dyqindmije) leke gjobe ,ne baze te nenit 66/2 KDS.
- VENDIM – Java e katert Partizani-Tirana
Date 28.09.2016
KF “Partizani”, për sjellje te gabuar te spektatoreve, duke hedhur mjete ndezese ne fushe duke shkaktuar nderprerjen te shkurter te lojes, ne baze te nenit 66/3/a te KDS , denohet me zhvillimin e 1(nje) ndeshje pa spektatorne stadiumin perkates.
- VENDIM - Java e tete Korabi-Partizani
Date 26.10.2016
KF “Partizani”, per sjellje te gabuar të spektatorëve ne menyre te perseritur, ne baze te nenit 66/1 , denohet me gjobe ne masen 200.000 (dyqindmije) leke. Gjithashtu ne baze te nenit 13 te KDS paralajmerohet se ne rast perseritje masat disiplinore do te pershkallezohet.
- VENDIM - Java e nente Partizani-Skenderbeu
Date 03.11.2016
KF “Partizani”, për sjellje të gabuar të spektatorëve në mënyrë të përsëritur, duke hedhur mjete ndezëse brenda rrethimit të fushës, duke ofenduar ne grup e duke shpalosur parrulla ofenduese, ne baze te Nenit 66/3.a te KDS , denohet me 4 (kater) ndeshje pa spektatorë ne stadiumin perkates . Detyrohet KF “Partizani” të shdëmtojë stolat e stadiumit “ Elbasan Arena”.
- VENDIM - Java e 18 Skenderbeu-Partizani
Date 13.01.2017
KF “Partizani”, per sjellje te gabuar te spektatoreve duke perdorur shprehje fyese dhe leshuar mjete ndezese, ne bazë te nenit 66 të KDS denohet me gjobe ne masen 150.000 (njeqindepesedhjetemije) lek.
- VENDIM – Java e 21, Teuta-Partizani
Date 17.02.2017
F.K “Partizani”, paralajmerohet secili se, në rast perseritje te fenomeneve te tilla do te pershkallezohen masat sipas Kodit te Disiplines Sportive, bazuar ne nenin 13 te KDS.
- VENDIM – Java e 22, Tirana-Partizani
Date 23.02.2017
KF “Partizani”, për sjelle të gabuar të spektatorëve duke përdorur mjete ndezëse, duke hedhur sende brenda rrethimit të fushës e duke përdorur fjalor ofendues ndaj kundërshtarit, në bazë të nenit 66/3.a të KDS denohet me zhvillimin e 1(një) ndeshje pa spektatorë.
- VENDIM – Java e 23-te, Kukësi-Partizani
Date 01.03.2017
KF “Partizani”, per sjellje te gabuar te tifozerisë se saj ne menyre te perseritur, denohet me 4 (kater) ndeshje pa spektator ne ndeshjet e rradhes, bazuar ne nenin 66/2 te KDS. Detyrohet KF “Partizani” te zhdemtoje stolat e thyer ne stadiumin “Zeqir Ymeri” ne qytetin e Kukesit.
Sikundër edhe shikohet nga vendimet zyrtare të Komisionit të Disiplinës për
KF Partizani, në plot 8 të tilla, ato të gjitha janë të specifikuara me një pikë:
“vetëm për sjellje të gabuar të spektatorëve në mënyrë të përsëritur”, lexohet në deklaratën për shtyp të FSHF-së të publikuar në faqen zyrtare në internet.
Komisioni I Disiplinës në jo pak herë e ka paralajmëruar dhe njëherësh, e ka toleruar klubin, për sjelljen jokorrekte në stadium të tifozerisë.
Lexo gjithashtu
