Një ditë më parë Federata Shqiptare e Futbollit zyrtarizoi axhendën e ndeshjes Tirana-Vllaznia për ta hedhur poshtë sot. Bardheblutë duke qenë se po përfundojnë proçesin e mbjelljes së barit për të përmirësuar cilësinë e tapetit në “Selman Stermasi”, kanë mbyllur dyert e këtij të fundit dhe dje kanë firmosur një kontratë me stadiumin e Elbasanit. Burime për newsport.al bënë të ditur zhvillimet e orës së fundit.
Tirana 24 orë më parë ra dakort për të luajtur të hënën në “Elbasan Arena” ndërkohë që sot ka mësuar se diçka e tillë do të jetë e pamundur.
Drejtori i stadiumit Dritan Kadia mësohet të ketë njoftuar bardheblutë për këtë anullim të orës së fundit duke i sqaruar se terreni i “Selman Stermasit” duhet të ruhet për ndeshjet e përfaqësueses.
Partizani luan të dielën dhe për t’u zhvilluar të nesërmen ndeshja e bardhebluve është e pamundur.
Bardheblutë janë zënë ngushtë nga ky zhvillim i paparashikuar dhe tani do ti duhet të gjejnë një tjetër stadium për të luajtur kundër Vllaznisë. E sigurtë është se nuk do të luhet në Elbasan. Nesër Tirana do të përcaktoj impiantin ku do të luaj takimin e fundit të fazës së parë.
Lexo gjithashtu
