[caption id="attachment_16904" align="alignleft" width="300"]
Ballist Morina dhe flamuri Autochthonous që shpalosi në Beograd[/caption]
Gjykata e Tiranës ka pezulluar këtë të premte vendimin për shërbim prove ndaj shtetasit Ismail Morina. Prokuroria kishte kërkuar që Ballisti të mos dënohej me burg, por dënimi i tij të konvertohej në shërbim prove. Gjithsesi organi i drejtësisë nuk e ka vlerësuar si të arsyeshme kërkesën e Prokurosië.
Gjykata i ka dhënë atij dënimin me 1 vit e 4 muaj burg për veprën penale të armëmbajtjes pa leje.
Ismaili, i njohur ndryshe si Ballist Morina, u bë i njohur pasi fluturoi dronin me flamurin “authoctonus” mbi stadiumin e Beogradit, kur po luhej ndeshja Serbi-Shqipëri. Ai u arrestua për armëmbajtje pa leje në Tiranë 1 ditë para ndeshjes Shqipëri-Serbi në tetor 2015. Që në momentin e arrestimit, Ballisti nuk e ka mohuar kurrë akuzën ndaj tij, por është mbrojtur duke thënë se armën e mbante për shkak se ndihej i kërcënuar. Disa herë tifozët e kombëtares kanë protestuar mbi arrestimin e Ballistit, por protestat e tyre nuk kanë arritur asgjë.
Lexo gjithashtu
