Në kampin e Tiranës vazhdojnë lëvizjet e merkatos. Sot në stërvitje me grupin janë bashkuar 2 njohje të vjetra të bardhebluve, mbrojtësi Entonio Pashaj dhe mesfushori Afrim Taku.
Pashaj në sezonin e kaluar ishte pjesë e vlonjatëve të Flamurtarit, ndërsa Taku kthehet nga SHBA-të ku prej një viti jeton për arsye familjare, por mbetet për t’u parë forma e tij pas një viti shkëputje nga futbolli i luajtur.
Asion Daja ishte afrimi tjetër në ditën e sotme, i cili gjithashtu ka filluar stërvitjen nën drejtimin e Ilir Dajës. Së bashku me këta 3 futbollistë të afruar sot, përforcimet e Tiranës kapin numrin 6, teksa më parë janë afruar edhe Ilion Lika, Ansi Nika dhe Marvin Turtulli.