Fitorja e Laçit në minutat e fundit kundër Luftëtarit duket se ka karikuar së tepërmi kurbinasit, që tashmë po konsolidohen si një ekip i fortë edhe për këtë sezon në Superiore. Menjëherë pas ndeshjes ndaj gjirokastritëve ka folur për Supersport edhe autori i golit të barazimit për Laçin, Ndriçim Shtubina, i cili e cilësoi sfidën si mjaft të vështirë.
"Luftëtari luan njësoj si vitin e kaluar me kundërsulme por në një mënyrë pak më të dobët. Na vuri pak në vështirësi mbrapa por gjithsesi arritëm të krijonim raste", tha shkodrani për ndeshjen.
Ndërkohë i pyetur nëse Laçi do të pretendojë edhe për titullin kampion, Shtubina deklaroi se kjo do ishte disi e tepërt për lojtarët. "Per titullin nuk mund të flasim pasi do ishte presion i tepërt. Kemi disa lojtarë që s'janë aktivizuar akoma por jam i bindur që do fuqizohemi javë pas jave edhe më shumë", e mbylli fjalën e tij futbollisti.
Lexo gjithashtu
