Laçi-Skënderbeu është një nga 4 ndeshjet e ditës së sotme të Kategorisë Superiore të vlefshme për javën e 15-të. Pas humbjes në Fier, kurbinasit kërkojnë të reagojnë për të mos humbur më shumë terren me skuadrat kryesuese.
Për këtë takim, trajneri Shpëtim Duro nuk do të ketë të gatshëm dy mesfushorët titullarë, Ardit Deliu dhe Julian Shehu. I pari u ndëshkua me karton të kuq dhe u penalizuar nga Disiplina me dy ndeshje, ndërsa Shehu ka plotësuar numrin e kartonave të verdhë.
Skënderbeu do të jetë pa trajnerin Julian Ahmataj në këtë takim. Trajneri korçar do ta drejtojë skuadrën nga tribuna për shkak se ka plotësuar numrin e kartonave të verdhë e për këtë arsye nuk do të mund të jetë në stol ndaj skuadrës kurbinase në Laç.
Poll
Lexo gjithashtu
