Rinovimi i kontratës së Mbappe me PSG është një ndër çështjet më të nxehta të botës së futbollit. Veç fitimeve ekonomike faraonike, ajo që ngre akoma më shumë debat është trajtimi që po merr sulmuesi.
Klubi parizien e ka kthyer në “zot” Mbappen teksa i është premtuar vendimmarrje në merkato dhe bota e futbollit e konsideron absurde këtë. Zlatan Ibrahimovic, një legjendë e parizienëve dha mendimin e tij rreth kësaj çështjeje në një intervistë për Canal+.
“Kur humb disiplinën, humb edhe identitetin. Ai bëri zgjedhjen e duhur për Parisin por jo për veten pasi ai futi veten në një situatë ku ai është më i madh se klubi dhe klubi i dha atij çelsat. Por, ti nuk je kurrë më i madh se një klub.
Sot me këtë gjeneratën e re, prindërit, babai, mamaja, kushdo, ata mendojnë se janë bërë yje. Flasin nëpër gazeta por kush mendon se je?. Mbylle gojën, është në dorën e djalit tënd, lojtarit, të punojë dhe të ketë disiplinë.”- u shpreh Ibrahimovic.
Lexo gjithashtu
