Kanë mbetur më shumë se 24 orë nga takimi
kualifikues i Euro 2020 mes Francës dhe Shqipërisë, por tensioni te kuqezinjtë
sa vjen dhe shtohet.
Përballja me një kundërshtarë si Kampionët e Botës e bën akoma dhe më
elektrizuese këtë takim, me teknikun Edi Reja që ka detyrën e vështirë për të
motivuar lojtarët që ka në dispozicion.
Por ky nuk është halli i vetëm për italianin. Formacioni e ka bërë me dhimbje
koke teknikun 73 vjeçar, i cili ndaj Francës nuk besohet se do të ndryshojë
shumë.
Një skemë 3-5-2 pritet të hidhet në “Stade de France”, ku Strakosha
do të rikthehet në mes të katërkëndëshit, duke fituar balotazhin me Berishën. Në
mbrojtjen me tre pritet të rreshtohen, Djimsiti, Ismajli dhe Mavraj.
Mesfusha do të jetë e mbipopulluar me Hysaj e Lenjanin që do të mbulojnë krahët
e Gjasula, Xhaka dhe Abrashit. Reparti i sulmit është plot mister. Tre
futbollistë “luftojnë” për një fanellë titullari, me Manaj, Balaj dhe
Çikalleshi që kërkojnë të vendosen në majën e sulmit.
Ndërkohë, Myrto Uzuni duket se e ka vendin e sigurtë pas krahëve të sulmuesit
kryesorë. Takimi mes Francës dhe Shqipërisë është e vlefshme për grupin E
kualifikues të Euro 2020, duel që do të luhet nesër duke nisur nga ora 20:45.
© 2024 News Sport - Dev by Aplikacione.com.