Sot, do të luhen ndeshjet e para të vlefshme për gjysmëfinalet e Kupës së Shqipërisë. Dy përballje interesante që janë vendosur të zbresin në fushë në orare të ndryshme. Interesi është mjaft i madh pasi në Ballsh, Bylis përballet me Tiranën në orën 17:45, ndërsa Teuta e Edi Martinit luan kundër Kukësit në Niko Dovana në orën 20:45.
Temperaturat e larta që kanë pushtuar vendin kanë bërë që organizatorët t’i shtyjnë sfidat. Në Ballsh janë optimistë për rezultat pozitiv ndaj bardhebluve, ndërsa “Djemtë e Detit” janë më të karikuar se asnjëherë tjetër për të “asfaltuar” Kukësin.