Superiorja ditëm e djeshme uli siparin e javës së 32-të të saj, teksa tashmë i lë “stafetë” Kupës së Shqipërisë. Në mesjavë do të luhen edhe dy gjysmëfinalet e kthimit, me skuadrat që do të kërkojnë edhe biletën për në finalen e “Air Albanias”.
Të mërkurën do të luhen të dy sfidat. FSHF-ja ka ndryshuar edhe orarin. Egnatia-Vllaznia ishte parashikuar të luhet në orën 15:00, por tashmë do të startojë në orën 14:00. Ky takim do të luhet në Rrogozhinë dhe sfida e parë mes tyre ka përfunduar 1-1.
Ndeshja tjetër mes Teutës dhe Tiranës do të luhet në “Niko Dovana” jo në orën 18:00 siç ishte parashikuar, por në orën 17:00. Përballja e parë ka përfunduar 3-0 në favor të bardhebluve.
Ky ndryshim i orarit vjen si rezultat i gjysmëfinaleve të Champions League. Nëse sfida mes durrsakëve dhe kryeqytetasve shkon në shtesa, atëherë përkon me kohën kur në “San Siro” nis sfida mes Milan-Inter. Rregullorja e UEFA-s nuk e lejon që të ketë përplasje mes ndeshjeve kombëtare dhe Champions.
Lexo gjithashtu
