Në muajin e Ramazanit, të gjithë lojtarët e Superiores kanë zgjedhur të darkojnë së bashku ose siç quhet ndryshe të hanë iftarin me njëri-tjetrin. Futbollistë të Skënderbeut, Kukësit apo veçanërisht Tiranës dhe Partizanit janë parë në ambientet e lokaleve në kryeqytet në shoqërinë e njëri-tjetrin.
Shumë prej tyre janë besimtarë të devotshëm të fesë myslimane dhe kësisoj në këtë muaj të begatë, kanë lënë në fushë rivalitetin, ndërsa jashtë saj kanë treguar që janë miq mjaft të mirë. Jo vetëm lojtarë aktualë, por edhe ish futbollistë si Endri Vrapi apo Erjon Xhafa janë bërë pjesë e këtij grupi të madh për të ngrënë të gjithë së bashku iftarin.
