Miqësorja që zhvilloi Kukësi me ekipin turk, Istambul Basaksehir, ka qenë një vitrinë e mirë për lojtarët e ekipit verilindor, për të cilët kanë ardhur ofertat e para nga disa ekipe turke.
Mësohet, se klubi turk i Gaziantepsporit ka kërkuar shërbimet e mesfushorit, Nijaz Lena, për të cilin kanë ofruar 50 mijë euro për blerjen e kartonit të 30-vjeçarit, por si duket klubi verilindor nuk e ka marrë parasysh ofertën, pasi thuhet se për kartonin e lojtarit kërkohen 150 mijë euro.
Edhe pse presidenti i klubit të Kukësit, Safet Gjici ka deklaruar, se nuk ka ndërmend të bëjë një lëvizje të tillë, nëse ekip turk arrin të plotësojë kushtet që kërkon klubi verilindor, mund të bëhet e mundur kalimi i Lenës në kampionatin turk.
