Situata në kampin verilindor nuk është aspak e qetë, humbja ndaj korçarëve ka bërë që drejtuesit e klubit të Kukësit të mendojnë seriozisht për afrimet e reja që nevojiten në ekip në rast se nuk duan të përsërisin dështimet e deritanishme.
Mësohet, se Kukësi është hedhur në sulm për disa lojtarë, ku synimi kryesor është përforcimi i disa reparteve. Kukësi kërkon një mbrojtës të djathtë, qendërmbrojtës, një mesfushor të djathtë, qendre dhe një qendërsulmues.
Emri i parë që përflitet se mund të shkojë në Kukës është ai i lojtarit të Flamurtarit, Ivan Jakovljeviç, i cili mund të luajë në dy pozicione, si mbrojtës qendre dhe i djathtë. Duke qenë se mbrojtësit serb i përfundon kontrata në janar, drejtuesit e Kukësit mendojnë se mund të arrijnë një marrëveshje.
Një tjetër emër është ai i mesfushorit brazilian, Felipe Nunes, i cili luan si mesfushor qendre. Nunes ka luajtur për disa klube në Brazil dhe Gjeorgji. Mësohet se Kukësi ka nisur interesimet e para për mesfushorin i cili ka lënë pështypje të mira te verilindorët, të cilët pritet të arrijnë një marreveshje në muajin janar.
Lexo gjithashtu
