Kukësi do të zhvillojë nesër në orën 19:00 ndeshjen e kthimit ndaj Torpedos, e vlefshme për turin e tretë në Europa League. Edhe pse rezultati i ndeshjes së parë është i thellë, 5-2, drejtuesit e nënkampionëve shpresojnë tek kualifikimi ditën e nesërme edhe pse disi e vështirë për tu besuar.
Lidhur me këtë gjë por edhe disa detaje për kampionatin, ka folur drejtori sportiv i Kukësit, Nderim Nexhipi. Ai ka specifikuar se ndeshja e nesërme për ta është një finale nga e cila do kërkojnë kalimin në fazën tjetër të këtij kompeticioni, pa harruar dhe kampionatin.
“Për ne sezoni ka filluar që në fillim të muajit korrik. Besoj se kemi bërë paraqitje të mira në Europë dhe sigurisht që më pas nis kampionati. Ne jemi të përqndruar për takimin e ditës së enjtë dhe më pas do përqëndrohemi tërësisht në kampionat. Ndeshja e ditës së enjtë për ne është një finale. Duke filluar nga presidenti dhe deri te lojtari i fundit, kemi besim që do bëjmë një punë të mirë dhe do mundohemi të arrijmë një rezultat pozitiv dhe të kualifikohemi”, është shprehur Nexhipi për mikrofonin e RSHT-së.
Loading ...
