Eshtë çështje ditësh emërimi zyrtar i trajnerit të ri të Kukësit. Gjithçka do të bëhet, pasi ky ekip të mbyllë aventurën në Kupat e Europës. Në stolin e tij do të ulet Mirel Josa, ish-trajneri i Skënderbeut për 4 vitet e fundit. Nga burime të besueshme pranë newsport.al mësohet se presidenti Safet Gjici dhe trajneri kryeqytetas kanë rënë dakord për marrëveshjen, por pritet që Kukësi të mbyllë më parë aventurën europiane. Të enjten kuksianët luajnë ndeshjen e kthimit me Rudarin në Mal të zi dhe, nëse eliminohen, vendin e Hasan Likës do ta zërë menjëherë Mirel Josa.
Kujtojmë që Kukësi e mbylli sezonin e fundit, ku fitoi edhe Kupën e Shqipërisë, me lodian Duron në stol, por më pas elbasanasi nuk gjeti akordin me presidentin Gjici për të vazhduar punën, kështu që drejtimin e mori Hasan Lika.
Lexo gjithashtu
