Kukësi ka bërë një reagim zyrtar mbi akuzat e hedhura në drejtim të verilindorëve nga ish futbollisti Ante Zivkovic. Lojtari ka folur për mediat e huaja duke treguar situatën e vështirë që ka kaluar në ekipin e Kukësit.
Sindikata e futbollistëve profesionistë në Bosnje ka nisur menjëherë procedurën në FIFA, këto zhvillime kanë bër që verilindorët të dalin me një komunikim zyrtarë.
Reagim zyrtar i Kukësit:
“Futboll Klub Kukësi hedh poshtë të gjitha akuzat e publikuara ditën e sotme në media nga futbollisti Ante Zivkovic për kërcënime dhe dhunë nga ana e klubit!
Sulmuesit Zivkovic i është komunikuar nga klubi se nuk bën pjesë në planet e klubit dhe është thirrur për të mbyllur bashkëpunimin në përputhje me kontratën. Në këtë mënyrë, klubi i ka paguar futbollistit shumën e parashikuar në kontratë për mbylljen e bashkëpunimet.
Për shkak se klubi e ka larguar futbollistin si të padëshiruar, Zivkovic ka hedhur akuza të pabaza ndaj Kukësit duke tentuar të dëmtojë imazhin.
Për deklaratat e dhëna dhe akuzat e hedhura, klubi i Kukësit do ti drejtohet instancave më të larta për prishje imazhi. Për këtë, FK Kukësi ju garanton se gjithçka ka ndodhur është e faktuar me pamje filmike dhe provat do të vihen në shërbim të instancave përgjegjëse.
Klubi i Kukësit ka qenë ndër vite një klub korrekt me futbollistët dhe jo vetëm e kurrë nuk mund të lejojë që një futbollist i larguar, të tentojë të prishë imazhin e klubit.”
Loading ...
