Kombëtarja shqiptare bën krenar çdo tifoz anembanë botës, teksa paraqitjet e fundit në kualifikueset për Euro 2024 në kanë rikthyer edhe njëherë emocionet e një kampionati europian. Tashmë jemi shumë afër kualifikimit dhe vetëm 1 pikë na mban larg nga “hapja e shambanjës”.
Por jo të gjithë gëzojnë për suksesin e kësaj kombëtareje. Në fakt ka të tillë që as nuk e “përkrahin”. I tillë mund të konsiderohet qëndrimi i Presidentit të Shqipërisë, Bajram Begajt për lojtarët me origjinë shqiptare.
Kreu i vendit tonë ka refuzuar dekretimin e amendimeve të Ligjit për Shtetësinë, të aprovuara më parë nga parlamenti i vendit. Begaj ka bërë një hap të paprecedent që cënon rritjen dhe ardhmërinë e Kombëtares. Disa nga amendimet kishin të bëjnë me krijimin e lehtësirave për lojtarët me origjinë shqiptare që kanë lindur dhe rritur jashtë, si përshembull heqja e provimit të gjuhës shqipe dhe pajisja me pasaportë nën moshën 18 vjeç.
Diçka e tillë nuk është përkrahu nga Begaj, i cili e ka rikthyer sërish për rishqyrtim. Kjo pengon zhvillimin e kombëtares, pasi tashmë siç dihet shumë lojtarë me origjinë shqiptare që luajnë jashtë janë objektivi i stafeve akademike të kuqezinjve.
Padiksutim kjo ia vështirëson akoma më shumë punën Federatës Shqiptare të Futbollit, e cila gjithmonë është në zbulim të talenteve për të përfaqësuar Shqipërinë, pasi një refuzim i tillë pengon dhjetra lojtarë të përfaqësojnë vendin tonë. E nësë këtë e krahasojmë me vende të tjera ka një ndryshim të madh. Të gjithë vendet e tjera përkrahin "djemtë" e tyre duke u lehtësuar paisjen me pasaportë, ndërsa në vendin tonë po ndodh e kundërta.
Lexo gjithashtu
