Kryeqyteti ditën e sotme do të jetë “zjarr”. Ekipet kryeqytetase do të kenë radhën për të zbritur në fushë dhe për të kërkuar fitoren. Dy takime mjaft të rëndësishme dhe të luaftuara do të luhen në Superiore, sfida të vlefshme për javën e 9-të.
Fillimisht do të luhet në “Selman Stërmasi” duke nisur që nga ora 14:00. Tirana do të presë Egnatian kryesuese për të bërë mes tyre llogaritë e ndeshjes së fundit të fazës së parë të kampionatit. Bardheblutë vijnë në këtë përballje pas humbjes në derbi dhe në shtëpinë e tyre kanë detyrim vetëm 3 pikët, ndërsa djemtë e Edlir Tetovës tentojnë të “blindojnë” vendin e parë në klasifikim.
Ndërkohë në orën 17:00 e gjithë vëmendja do të jetë në “Arenën e Demave”, ku do të zhvillohet përballja mes Erzenit dhe Partizanit. Shijakasit do të jetë pritës në këtë sfidë, por për shkak se në “Demrozi Stadium” do të mbilllet bari është dashur zhvendosja në kryeqytet. Të kuqtë mbajnë vendin e dytë dhe në “Arenën e Demave” synojnë të sigurojnë 3 pikët.
Lexo gjithashtu
