Ervis Kraja mund të jetë trajneri i vetëm që mund të futet në listën e rekordmenëve në futbollin shqiptar për vetë faktin që mund të shpëtoja dy Vllaznitë nga rënia nga kategoria. Pak ditë më parë, shpëtoi Vllazninë B duke e mbajtur në Kategorinë e Parë, pas fitores së regjistruar ndaj Orikut.
Ndërsa së fundmi po tenton të bëjë mrekullinë me ekipin e parë. Dje Vllaznia mundi të fitojë ndaj Kukësit, ndërsa shpreson në javën e ardhshme që Partizani të mundë Kamzën, ndërsa vetë të fitojë në Korçë ndaj Skënderbeut.
Nëse kjo gjë ndodh, do ishte mrekulli vetë dhe Kraja do ishte një ndër njerëzit më të nderuar në Shkodër, pasi mund të shpëtojë nderin e qytetarëve të këtij qyteti dhe të largojë mundësinë për të zbritur skuadrën e parë shkodrane në kategorinë inferiore të futbollit shqiptar.
Lexo gjithashtu
