Alfred Mensah është zyrtarisht pjesë e Ballkanit. Lajmi ishte i konfirmuar prej kohësh, por pritej vetëm njoftimi i klubit për ta mbyllur si operacion. Me anë të një postimi në faqen zyrtare, kampinët dardan komunikojnë transferimin e sulmuesit nga skuadra e Partizanit.
Mensah prej javësh stërvitej nën urdhërat e trajnerit Ilir Daja ku luajti edhe në ndeshjet miqësore, por jo ato europiane.
“Tifozë të dashur, Pjesa ofanzive e jona është përforcuar edhe me një futbollist të radhës. Sulmuesi Alfred Mensah, tashmë është veshur portokall e zi dhe do të jetë armë shtesë e jona, drejt objektivave në vazhdim.
Në katër vitet e fundit, ganezi ka qenë pjesë e dy skuadrave me renome në Shqipëri, Skenderbeut dhe Partizanit. Klubi i dëshiron mirëseardhje 25 vjeçarit dhe suksese drejt synimeve tona të përbashkëta. Welcome Mensah”, shkruan klubi.
Lexo gjithashtu
