Java e 23-të në Superligë ka prodhuar rezultate jo fort surprizuese. Skënderbeu ka bërë detyrën në Shkodër, Teuta ka marrë pikët me Korabin, ndërkohë që në përballjen Luftëtari – Laçi, Kukësi – Partizani dhe Tirana – Flamurtari, të gjithë janë ndarë me nga një pikë.
Superliga është komplikuar shumë pasi në tabelën e klasifikimit skuadrat janë ndarë në tre grupe për të garuar dhe ndarë në fund objektivat. Skënderbeu, Kukësi dhe Partizani garojnë për titullin e mes tyre ka vetëm 4 pikë diferencë.
Më poshtë, Luftëtari me 29 pikë, Tirana me 28 dhe Vllaznia me 27 do të garojnë mes tyre për vëndin e katërt, pozicion i cili mund të të dërgoj në Europë nëse Skënderbeu fiton Kupën e Shqipërisë.
Ndryshe bëhet diskutimi në garën për të mos rënë nga kategoria. Teuta ka 26 pikë të koleksionuara, Laçi 22 dhe Flamurtari 21. Këto tre ekipe sipas gjasave do të diskutojnë mes tyre një biletë që të zbret më poshtë. Korabi është e para skuadër e dorëzuar që tani duhet të luaj vetëm për të respektuar kampionatin.
Lexo gjithashtu
