Komisioni i Disiplinës pranë FSHF-së ka dënuar me 8 ndeshje pezullim Pashk Laskën, presidentin e Laçit për sjellje të gabuar ndaj zyrtarit të ndeshjes. Në vendimin e publikuar nga FSHF, bie në sy se në zbatim të këij vendimi, Laskës i ndalohet qëndrimi në dhomat e zhveshjes, stolin e rezervave dhe territorin rreth fushës.
Vendimi i FSHF:
1. Zyrtari i KF Laçi, Pashk Laska, për sjellje të gabuar ndaj zyrtarit të
ndeshjes, në bazë të nenit 48/2/a. të KDS, dënohet me 8 (tetë) ndeshje pezullim
nga aktiviteti. Në zbatim të nenit 19 të KDS, zyrtarit i ndalohet hyrja dhe
qëndrimi në dhomat e zhveshjes, stolin e rezervave dhe territorin përreth
fushës.
2. Në zbatim të nenit 32 të KDS, pezullimin e pjesshëm te ekzekutimit të
dënimit duke shlyer detyrimisht gjysmën e duke vendosur zyrtarin ne provë për
një periudhë 6 (gjashtë) mujore.
3. Kundër vendimit lejohet ankim brenda 3 (tre) ditëve përpara Komisionit të
Apelit.
