Përgatitjet për dy sfidat me Moldavinë dhe Ishujtë Faroe fillojnë e intensifikohen. Kombëtarja shqiptare do të zhvillojë ditën e nesërme një test real kontrolli për të parë rendimentin e lojtarëve. Ndeshja brenda grupit do të zhvillohet në “Elbasan Arena” në orën 16:00, një orar i çuditshëm duke patur parasysh temperaturat e larta por edhe se nuk përputhet me orarin 20:45 kur do të luhet ndeshja me moldavët.
Trajneri Sylvinho dëshiron të shohë të gjithë lojtarët në fushë për të qartësuar akomë më shumë idetë e tij për formacionin titullar. Grupi është thuajse i plotë me Taulant Seferin dhe Elseid Hysajn që mbërritën ditën e sotme ndërsa mungojnë ende Jasir Asani dhe Kristjan Asllani.
Sulmuesi nuk ka ardhur akoma nga Korea e Jugut ndërsa mesfushori është me Interin në finalen e Champions League dhe në rast suksesi, pritet të zgjatet akoma më shumë mungesa. Ndeshja testuese do të zhvillohet sigurisht pa praninë e mediave.
Lexo gjithashtu
