Partizani po kalonte një moment fantastik në Abissnet Superiore, teksa tashmë gjendet në vendin e parë të klasifikimit. Pas humbjes 3-1 në Shkodër në Kupën e Shqipërisë, të kuqtë e Giovani Colellës kishin nisur të merrnin “mbarë” çdo kundërshtar. Veç rezultateve pozitive, ajo që evidentohej ishte loja e mirë në fushë nga të gjithë lojtarët që u jepeshin minuta.
Megjithatë ky hov i kryeqytetasve u ndal nga Kombëtarja. Kuqezinjtë do të nisin rrugëtimin e eleminatoreve “EURO 2024” me një sfidë të rëndësishme kundër Polonisë. Kësisoj edhe kampionati shqiptar është në pauzë prej një jave.
Natyrshëm lind pyetja: A do të vijojë të jetë në të njëjtën formë ekipi i Colellës apo Kombëtarja i ka prishur ritmin dhe planet? Java e ardhshme do ta tregojë. Precedentët kanë treguar se gjithmonë pauza nuk ka ndikuar mirë te ekipet. Një lajm i mirë ky për rivalët e kryeqytetasve që duhet të bëjnë maksimumin për të pasur të njëjtën formë.
Lexo gjithashtu
