Flamurtari dhe Skënderbeu do të përballen pas një kohe të gjatë në 16 shtator në Vlorë. Por pavarësisht se përpara rikthimit të kampionatit të dyja skuadrat janë të impenjuara në Kupën e Shqipërisë, të dyja kampet kanë nisur të mendojnë që tani për supersfidën e shumë pritur.
Tekniku Orges Shehi nuk ka ndërmend t’u japë më tepër kohë të lirë lojtarëve tij duke nisur përgatitjet që sot pasdite, ndërsa Daja nga ana tjetër është treguar më tolerant ndaj të tijve duke u dhënë kohë të lirë deri të mërkurën. Të dyja ekipet kryesojnë tabelën me pikë të barabarart (shtatë) dhe fitorja e njërës anë apo tjetrës do t’i jepte mundësinë secilit të shkëputej në garën për titull edhe pse është ende herët për të folur për kandidatët realë. Në lidhje me mungesat, Skënderbeu ka të konfirmuar Leonit Abazin, por etiopiani Demte dhe kapiteni Radas nuk do ta lënë në baltë skuadrën pasi janë ngritur menjëherë në këmbë nga problemet muskulore që patën.Në kampin vlonjat, Daja pret lajmë nga dita në ditë për rikuperimin e Agustin Torassës, i cili mungoi në ndeshjen e fundit ndaj Luftëtarit, por koha e gjatë në dispozicion e favorizon lojtarin të impenjohet maksimalisht në rikuperim. Një detaj interesant tjetër është përballja kokë më kokë midis Orges Shehit dhe Ilir Dajës, të cilët brenda një viti janë vendosur në kampe të ndryshme por në të njëjtin pozicion. Të shohim nëse do të fitojë eksperienca e mësuesit apo durimi i nxënësit.
Loading ...
