Kategoria e Tretë ose siç njihet ndryshe si niveli i katërt në futbollin shqiptar do të ketë në sezonin e ri 12 skuadra, me një kampionat me dy faza, nga ku vendet 1 dhe 2 ngjiten direkt në Kategorinë e Dytë, ndërsa skuadra që e mbyll në vendin e tretë, merr pjesë në “play off”.
Këlcyra ka konfirmuar pjesmarrjen e saj në këtë kategori, teksa nëpërmjet një postimi në rrjetet sociale ka theksuar se kanë plotësuar të gjitha kushtet që ka kërkuar FSHF për organizimin e ndeshjeve.
"KF Kelcyra do te jete nje nga 12 klubet që do të marrin pjesë në sezonin 2022-2023, KATEGORIA E TRETE ,duke filluar nga Gramozi i Ersekës, Përmeti, Skrapari, Çerma e Lushnjës, Internacional Tirana, Spartaku i Tiranës, FC Kinostudio (Tiranë), KF Drini (Dibër), Albanët (Tiranë), Adriatiku (Sukth) dhe Klosi. Keto ekipe jane regjistruar ne FSHF deri diten e sotme. Ndryshe nga vitet e kaluara FSHF u ka dhene te drejten ekipeve qe plotesojne kushtet ne infrastrukture per te zhvilluar ndeshjen ne fushen e tyre. Urojme qe te ndertohet nje ekip konkurues duke kaluar ne Kategorine e Dyte ne fund te sezonit!”, thuhet në njoftimin e Këlcyrës.
Lexo gjithashtu
