Kategoria Superiore do të mbyllë sot javën e 23-të me dy sfidat e fundit. Futboll do të luhet në dy qytetet më tradicionale shqiptare ku në kryeqytet, Tirana do të presë Teutën ndërsa në Shkodër, Vllaznia përballet me Kastriotin. Të dyja ndeshjet do të luhen paralelisht në orën 17:00 ku duelet e forta dhe emocionet nuk kanë sesi të mungojnë.
Në sfidën e Air Albania, Tirana kërkon të përfitojë nga humbja e Partizanit për të marrë një fitore me Teutën dhe të shkëputet plot 6 pikë nga të kuqtë. Durrsakët duan të bëjnë të njëjtën gjë por për t’u shkëputur nga Kukësi dhe Bylis i vendeve të mbijetesës por edhe për të hedhur hapin e madh drejt garës së kupave të Europës me Laçin dhe Erzenin që janë shumë pranë.
Në Loro Borici, Vllaznia synon tre pikët për të rimarrë vendin e dytë dhe për të vazhduar presionin ndaj Tiranës në krye. Kastrioti e ka trenin e fundit teksa një tjetër humbje do të ishte fatale për garën e mbijetesës.
Lexo gjithashtu
