Tirana dhe Vllaznia do të sfidojnë njëra-tjetrën në “Air Albania” ditën e nesërme me sfidën që nis në orën 19:00 dhe është e vlefshme për Superkupën e Shqipërisë. Për të folur për këtë takim ka dalë në konferencën për shtyp trajneri i kampionëve në fuqi, Orges Shehi, i cili ka theksuar:
Si është skuadra pas një pushimi të gjatë? “Pas ndalesës së kampionatit, përgatitja nuk është vetëm për Superkupën, por Superkupa përkon me rifillimin e sezonit, sepse për arsye të Kupës së Botës u ndalua kampionati, gjë e cila nuk ka ndodhur herë të tjera. Fillojmë me Superkupën dhe shpesoj se pas pushimit të jemi sa më të gatshëm dhe të jemi më të qartë për ta nisur sa më mirë pjesën e dytë të sezonit”.
A është grupi i plotë? “Jo grupi nuk është i plotë pasi Toshevski nuk ëhstë akoma në gjendje për tu stërvitur me pjesën tjetër të skuadrës, pas dëmtimit dhe pas periudhës së riaftësimit dhe terapisë dhe vetëm para dy ditësh iu bashkua grupit, pork a ndjerë dhimbje prap dhe ka ndaluar sërish stëvitjen dhe do të jetë mungesa e jonë për ditën e nesërme”.
Kush janë favoritë, kampionët apo fituesit e Kupës? “Superkupa siç dihet luhet mes dy skuadrave, ku njëra ka fituar titullin dhe tjetra Kupën. Është ndeshje me një takim, me dy skuadra që gjithmonë ndërtohen për të qenë në majën e futbollit shqiptarë, ndërsa në gjirin e tyre kanë lojtarë me kualitet dhe kjo tregohet edhe nga kampionati që janë në vendet e para. Janë skuadra që luftojnë gjithmonë për të marrë fronin dhe duke pasur parasysh që është vetëm një ndeshje teke nuk mendoj që ka favoritë”.
Mund të fitojë Tirana këtë sezon tripletën? “ Të shkojmë deri në maj është larg, ne do të fokusohemi te ndeshja e radhës dhe duke pasur parasysh atë çfarë thash më lart, kjo është një sfidë me një takim që duhet vlerësuar siç duhet dhe përqendrim maksimal ku nuk ke kohë për të rikuperuar gabimet. Kampionati dhe Kupa janë tjetër gjë, pasi e para është një maratonë e gjatë, ndërsa Kupa ka dy takime. Për nga simbolika është një trofe më pak i vlefshëm se sa dy të parët, por është një trofe që skuadra si ne që kanë objektiv për të fituar trofe ka vlerësim maksimal”.Rikthimi i Latifit te Vllaznia, të bën të ndryshon vendosjen e skuadrës? “Liridon Latifi është një nga lojtarët e tyre kryesorë dhe është viti i dytë që luan në Shkodër. Një lojtarë cilësor që i plotëson organikën kundërshtarit, por nuk mendoj se ata varen nga individë të veçantë”.
Ju pret një dyjavësh intensiv? “ Deri më 27 dhjetor në do të luajmë 4 ndeshje dhe nga shpërndarja qëq ka kampionati na bie të luajmë çdo 4 ditë dhe ne bashkë me Superkupën na bie 5 takime. Nuk mendoj se ka ndonjë problem, sepse të gjitha njësoj nisen dhe e dimin që do të ishtë një periduhë e veçantë edhe për shkak të botërorit. Këtoi ndeshje ndoshta na shërbejnë që skuadrat të vijnë sa më shpejt në formë pasi ka takime të shpeshta për të rigjetur formën e duhur”.
Loading ...
