Interi siguroi gjysmëfinalen e Champions League, teksa në këtë fazën gjen Milanin. ZZikaltrit kaluan me rezultat të përgjithshëm 5-3 Benfican, ku Lautaro Martinez ishte një nga autorët e golave mbrëmjen e djeshme.
“Jam shumë i lumtur. Në zonë pashë që Dimarco mori topin, pa lëvizjen time dhe më shërbeu menjëherë topin. Jam i lumtur për golin dhe për ndeshjen, kemi arritur një objektiv shumë të rëndësishëm.
9 gola në Champions? Nuk kisha shënuar për një kohë të gjatë, jam i lumtur sepse goli e ndihmoi skuadrën. Jam i kënaqur edhe me punën që bëj çdo ditë.
Kualifikimi? Po, është e rëndësishme sepse kemi arritur një objektiv prestigjoz. Tani duhet të mendojmë për kampionatin për të kompesuar pikët që humbëm dhe më pas do të fokusohemi te Milani. Jam i kënaqur me paraqitjen time, isha fizikisht mirë. Të pushosh pak është ndonjëherë gjë e mirë, do të doja të isha gjithmonë në fushë, por ne luajmë çdo tre ditë.
Tifozët? I falenderoj, sepse janë gjithmonë pranë nesh, edhe kur gjërat nuk shkojnë mirë. Siç thonë në Argjentinë, “que disfruten””, përfundoi Lautaro.
Lexo gjithashtu
