‘Kemi analizuar pikat e dobëta’, Alban Hoxha “ZBULON” skemën e të kuqve kundër zvicerianëve

Në konferencën për shtyp të Partizanit përpara duelit ndaj Baselit doli edhe kapiteni, Alban Hoxha.

Portieri tregoi se skuadra e ka vlerësuar maksimalisht ekipin zvicerian dhe se ndaj tyre do kenë shumë emocione.

Hoxha tha se e kanë studiuar kundërshtarin në pikat e saj të dobëta, ndërsa shpreson se me pak fat mund të arrijnë një rezultat pozitiv.

“Sigurisht që ndaj Basel është një ndeshje e vështirë, por njëkohësisht edhe emocionuese për ne lojtarët sepse të luash ndaj të tilla ekipeve nuk të rastis shpesh. Basel është një skuadër me emër, shpresoj që ne të dhurojmë një paraqitje pozitive. Në fushë duhet të jemi kompakt të gjithë bashkë si ekip, shpresoj që të kemi edhe pak fat. E kemi studiuar me detaje kundërshtarin, kemi analizuar pikat e dobëta dhe të forta të tyre dhe shpresojmë në një rezultat pozitiv,” përfundoi Hoxha.