Kategoria e Dytë
Butrinti do të përballet me Orikun këtë fundjavë, për një “finale”, ku edhe barazimi i dërgon sarandiotët në Kategorinë e Parë. Ndërkohë që një video-mesazh surprizues ka mbërritur tek klubi nga Saranda.
Këta të fundit kanë publikuar një video ku shfaqet ish-mesfushori i Juventus, Bayern Munich dhe Barcelonës, Arturo Vidal. Vidal përshëndet Butrintin dhe i jep kurajo për fitore.
“Një përshëndetje për ekipin e Butrintit dhe shpresoj që të ngjiteni sa më shpejt. Shumë bekime nga ana e Arturo Vidal. Jepni gjithçka. Forca se mund t’ia dilni, kështu që shumë kurajo”, është shprehur Vidal.
Kujtojmë që sfida Oriku-Butrinti do të luhet të dielën, në orën 14:00. Ky takim është i vlefshëm për javën e fundit të Grupit B të Kategorisë së Dytë.
Poll
Lexo gjithashtu
