AF Luftëtari është ekipi kampion i Kategorisë së Dytë për Grupin B. Me fitoren në ndeshjen e fundit ndaj Shkumbinit me rezultatin 6-1, AF Luftëtari siguroi vendin e parë në renditje.
Falë këtij suksesi, ekipi i AF Luftëtarit do të luajë në Kategorinë e Parë sezonin e ardhshëm, ndërsa mbetet për t’u parë se kush do të shpallet kampion i Grupit A, pasi të dyja skuadrat kampione do të përballen së bashku për titullin e këtij edicioni të Kategorisë së Dytë.
Ekipi i AF Luftëtarit ka bërë një paraqitje shumë të mirë në Grupin B, ku deri në fund ishte në garë për vendin e parë me skuadrën e Orikut dhe vetëm fitorja e ditës së sotme ndaj Shkumbinit me rezultatin e thellë 6-1, e shpalli kampion të Kategorisë së Dytë për Grupin B.
Në fund të takimit u zhvillua edhe ceremonia e dorëzimit të trofeut të fituesit të Grupit B, që u dorëzua nga anëtari i Komitetit Ekzekutiv të FSHF-së, Gjergji Petro.
Lexo gjithashtu
