Vora vazhdon ecurinë pozitive në Kategorinë e Parë. Në 7 javët e fundit, skuadra e drejtuar nga Arjan Bellai ka koleksionuar plot 19 pikë në kampionat. Kjo vazhdimësi tregon që Vora e ka seriozisht për titullin kampion.
Diçka të tillë e tregon dhe vetë mesfushori i Vorës, Okseold Sefa, në një prononcim të dhënë për Neësport.al. Sefa thotë se besojnë te titulli kampion, teksa rivalin më të fortë sheh ekipin e Flamurtarit, por pa i hequr meritat Besës.
"Besoj se ndryshe nga sezoni i kaluar, kemi më shumë eksperiencë dhe kemi marrë mësimet nga gabimet e sezonit të fundit. Kjo sigurisht që është pozitive për ne. Unë besoj shumë që këtë do të shpallemi kampionë edhr pse nuk do të jetë e lehtë, duke parë edhe rivalët që kemi. Pikërisht për këtë arsye, çdo ndeshje e marrim si finale.
Besa apo Flamurtari? Për mua ekipi nga Vlora është rivali më i fortë duke parë edhe ecurinë e lojtarëve që kanë në organikë. Por edhe Besa nuk mbetet aq shumë pas, është gjithashtu një rival i fortë. Ndeshja me Erzenin? Në këtë Kategiri as një ndeshje nuk është e sigurt për 3 pikët. Edhe pse shijakasit janë në vendin e fundit, mos të harrojmë që ata erdhën nga Superiore", është shprehur Sefa. /NEWSPORT.al/
Lexo gjithashtu
