Pogradeci është një nga ekipet e momentit në Kategorinë e Parë. Liqenorët prej 6 javësh nuk e njohin humbjen në kampionat.
Emiliano Çela ka arritur të gjejë “çelësin” e suksesit të kësaj skuadre, duke bërë që të ecë në “shinat” e duhura. Timonieri ka ditur të nxjerrë në pah të gjithë aftësitë e futbollistëve, duke bërë që skuadra të shkojë drejt objektivit.
Nëpërmjet një postimi në “Insta-Story”, Çela ka treguar edhe statistikat e tij në krye të Pogradecit. Në 13 ndeshje, ka arritur të sigurojë 9 fitore, 3 barazime dhe vetëm 1 humbje, me Pogradecin që e mbyll këtë vit kalendarik në vendin e 3-të në tabelën e klasifikimit me 32 pikë. 1 më pak se Laçi i vendit të 2-të dhe 8 më pak se Skënderbeu kryesues.
