Kategoria e Parë do të vijë ditën e sotme me 3 duele mjaft interesante, në kuadër të javës së 14-të të saj. Të 3 këto sfida do të luhen në të njëjtën orë, 13:00.
Besëlidhja-Turbina është një duel mbijetesë, ku skuadrat kanë detyrim fitoren. Lezhjanët të renditur të fundit nuk kanë rrugë tjetër përveç 3 pikëve në shtëpi, teksa cerrikasit shkojnë me idetë e qarta në këtë përballje.
Një tjetër takim mjaft interesant është edhe ndeshja mes Burrelit dhe Lushnjes. Lushnjarët tentojnë rikthimin te fitorja, pas humbjes së javës kaluan ndaj Skënderbeut. Nga ana tjetër burrelasit duan të vijojnë me rezultatet pozitive.
Besa udhëton në Berat për të sfiduar Tomorin. Një përballje mjaft interesante mes të dy ekipeve që duan të mos dalin pa pikë në këtë takim. Kavajasit renditen në vendin e 6-t ëme 19 pikë, ndërsa beratasit në vendin e 8-të me vetëm 2 pikë më pak. Një takim që vlen shumë për renditjen e tyre.
