Kategoria e Parë ka hyrë në fazën më të nxehtë të saj, teksa të shtunën dhe të hënën do të luajë edhe ndeshjet e javës së 20-të të saj. Takime mjaft interesante janë parashikuar për këtë javë, ndërsa spikat dueli mes Flamurtarit dhe Dinamos.
Ditën e shtunë në orën 13:00 do të zbresin në fushë 10 skuadra për të bërë llogaritë e 3 pikëve mes tyre. Luzi 2008 pret në shtëpi Besën, ndërsa Turbina pret Lushnjën. Tërbuni udhëton në transfertë për të sfiduar Korabin, kurse Skënderbue duelon me Besëlidhjen në Lezhë. Ndërkohë Tomori pret në Berat skuadrën e Burrelit.
Ditën e hënë gjithashtu do të luhen dy sfidat e mbetura, ku e gjithë vëmendja do të jetë të dueli i Vlorës, por përpara kësaj në orën 13:00 do të jetë radha e Apolonisë dhe Orikut për t’u përballur mes tyre.
Dueli direkt për ngjitjen në Superiore do të startojë në orën 17:00 dhe vë përballë Flamurtarin e Troisit dhe Dinamon e Mehmetit. Të dyja skuadrat kërkojnë 3 pikët për të qenë në garë për ngjitjen në Superiore sezonin e ardhshëm, ndaj kjo përballje merr edhe vëmendjen e tifozëve.
Të shtunën ora 13:00 :
Luzi 2008 - Besa
Turbina - Lushnja
Korabi - Tërbuni
Besëlidhja - Skënderbeu
Tomori - Burreli
Të hënën:
13:00/ Apolonia - Oriku
17:00/ Flamurtari - Dinamo
Lexo gjithashtu
