Realdo Fili mund të jetë goditja e madhe e Kastriotit në këtë
merkato vere. Mesfushori-sulmues ka shpallur “divorcin” me klubin e
Luftëtarit, me gjirokastrët që nuk e shlyen në kohë 23 vjeçarin. E për këtë,
Kastrioti kërkon që të përfitojë dhe ta ketë në gjirin e tij për sezonin e ri.
Fillimisht, Fili duhet të zgjidh mosmarrëveshjet me Luftëtarin dhe më pas të
nis bisedimet me krutanët. Interes për Filin pritet të ketë edhe nga dy
skuadrat e kryeqytetit, Tirana dhe Partizani, por konkurenca e madhe tek ta pritet
ta shtyjë Filin që të mos pranë ofertën e ish-skuadrës së tij, Partizanit, por
të nis një aventurë të re te Kastrioti.
Kujtojmë që këtë sezon, Kastrioti garon në Kategorinë e Parë të futbollit në
vend dhe me Filin në skuadër, objektivi Superligë do të ishte mëse i arritshëm.
© 2024 News Sport - Dev by Aplikacione.com.