Tirana do të luajë të dielën kundër Kukësit, ndeshje e vlefshme për javën e dhjetë të Superiores. Një sfidë e rëndësishme për të dy ekipet që do të tentojnë të marrin maksimumin. Bardheblutë duhet të triumfojnë për të ndjekur Partizanin kryesues, por edhe Kukësi gjithashtu për vetë objektivat e klubit.
Së fundmi vijnë lajme të reja nga kampi bardheblu. Marsel Ismajlgeci mund të jetë mungesa e rëndësishme e kampionëve në “Selman Stërmasi”. Kapiteni ka lënë përgjysmë seancën stërvitore duke trembur jo pak stafin teknik.
Megjithatë pas konsultave me mjekët e skuadrës është vërejtur një kontraktim muskular duke ngjallur optimizmin për të qenë në fushë ditën e ndeshjes. Pritet me interes të shihet se çdo të ndodhë, teksa këtë sezon futbollistik, Ismajlgeci është një nga lojtarët më të rëndësishëm të organikës së trajnerit Orges Shehi.
Lexo gjithashtu
