Kanë siguruar ngjitjen në SUPERIORE, por DINAMO vazhdon intensivisht përgatitjet për takimin e radhës (VIDEO)
Shkruar nga NEWSPORT
Dinamo ka siguruar ngjitjen në Superiore për sezonin e ardhshëm. Blutë e kryeqytetit kanë kryer siç duhet misionin e tyre, pasi ndodhen në vendin e dytë në tabelën e klasifikimit me 4 pikë më shumë se Flamurtari, kur kanë mbetur edhe dy ndeshje drejt fundit të kampionatit.
Skuadra e Dritan Mehmetit këtë javë do të jetë sërish pushim, pasi në calendar është dueli me Tërbunin, ky i fundit ëhstë përjashtuar nga Kategoria e Parë dhe rrjedhimisht Blutë marrin 3 pikët në tavolinë. Në këto kushte DInamos i ngelet vetëm 1 sfidë për tu luajtur.
Por kjo nuk ndal aspak hovin e dinamovitëve, të cilët vazhdojnë me intensitet të lartë përgatitjet për duelin me Luzin. Ky takim do të luhet më 13 maj, ndërsa Mehmeti kërkon ta mbyllë sezonin e fitore në krye të kryeqytetasve.