Serie A po kthehet në kampionatin e preferuar të futbollistëve shqiptarë. Mediat belge raportojnë se Mërgim Vojvoda, mbrojtësi I Kosovës ka arritur marrëveshje me Atalantën ndërsa tanimë duhet të bindet Standard Liege. Klubi belg dëshiron 6 milion euro për të lënë të lirë lojtarin, ndërsa bergamaskët ofrojnë katër million euro.
Për Gazetën Olle në Kosovë, ish-lojtari I Kombëtares U21 të Shqipërisë, Vojvoda ka konfirmuar lajmin se ka arritur marrëveshjen në termat personal dhe duhet që të bindet klubi belg. "Drejtuesit e klubit kanë ardhur 2-3 herë në Belgjikë për mua. Unë kam gjetur dakordësinë me ta dhe pritet që dy klubet të arrijnë marrëveshjen e transferimit", shprehet mbrojtësi 25 vjeçar që ka zhvilluar 9 ndeshje me U21 e Shqipërisë dhe 21 me fanellën e përfaqësueses së Kosovës.
Lexo gjithashtu
