Kalendar i tmerrshëm për Italinë, ja si shkon në finale!

Sikur të mos mjaftonte Spanja në fazën e 1/8-ve, Italia ka kundër më pas gjithë skuadrat më të mëdha të Euro 2016 dhe favorite për trofeun. Në çerekfinale, gjithmonë nëse kalon Spanjën, që është një makth tashmë, skuadra e trajnerit Antonio Konte do të përballet me Gjermaninë, kurse në gjysmëfinale me njërën mes Anglisë dhe Francës, dy skuadra të tjera “big”. Sot anës së kundërshtarëve të Italisë mund t’u shtohet edhe Portugalia e Kristiano Ronaldos. Më keq nuk kishte ku të shkonte. Mund të jetë fat i keq, mund të jetë rastësi, mund ta quajmë si të duam, por kalendari është një ferr i vërtet për Italinë. Në krahun tjetër janë skuadra si Zvicra, Polonia, Kroaci dhe Uellsi. Duket qartë se rruga është shumë më e lehtë për të shkuar në finale.