Drejtuesit e Partizanit kanë marrë një përgjigje negative nga Stenio Junior sa i takon një rinovimi të mundshëm të sulmuesit brazilian me “demat e kuq”. Junior, i cili është një ndër lojtarët më të rëndësishëm, duket larg të kuqve në përfundim të sezonit.
Siç raporton gazetari Sokol Xhihani, Junior nuk ka pranuar të rinovojë kontratën e tij me të kuqtë dhe u ka komunikuar drejtuesve të klubit vendimin e tij, duke u thënë se do të luajë dhe tri ndeshjet e mbetura dhe do të largohet.
Gjithashtu, raportohet se Stenio Junior ka një ofertë konkrete nga Arabia Saudite dhe karriera e tij, pritet të vazhdojë pikërisht atje. Këtë sezon, Junior ka luajtur 30 ndeshje, duke shënuar 11 gola dhe duke asistuar 6 herë.
Loading ...
